家人溝通

奪命追魂來電轟炸？

「對左幾日大b，一返工，又不停信息和電話，點呀，唔洗生活架啦😡」
「常常情緒勒索，好辛苦，咁又唔得咁又唔得。」
照顧者不斷在面書大吐苦水，留言都好有共鳴，有些建議「行開遠距離睇住佢，眼神唔好有接觸」，待長者逐漸平復心情。如發現長者有認知障礙症徵狀，就要盡快評估及確診，由醫生開藥及治療也會有所改善。（相關專題：認知障礙症睇醫生攻略）

有照顧者強調「認真你便輸了」，不如「哦」、「好」、「係」等簡短回應，順著長者情緒，緩衝對話的火花，稍後再解釋，避免即時衝突。也有人建議設定清晰界線，例如「返工時間不能接聽電話，有緊要事可在指定時間聯絡」，強調「照顧者都要有自己的生活」。也有人站在長者角度：可能長者沒安全感？聽到家人聲音才安心？

忍耐忍耐再忍耐，陪伴陪伴再陪伴，但忍耐和陪伴應該有限制，或者說水位是會滿瀉的，那又怎處理？

在大銀每月的照顧者聚會「落糖After Class」上，有照顧者坦言自己面對長期情緒拉扯，難以穩下心情。

資深照顧者 Mei Leung 在分享中一再強調，許多照顧者習慣將患病家人的需要放在第一位，卻忽略了自己：「我們總覺得一定要睇實佢，驚佢跌親、驚佢有事……但係最重要係，你要知道自己的極限，承認『搞唔掂』，這並非大不了的事，因為我們每人都試過『搞唔掂』。」她強調，照顧者要把身心健康放在重要位置，「否則只會一齊攬炒。」

Mei 鼓勵照顧者主動尋找社會資源，例如日間暫託服務、喘息空間，讓自己能短暫離開照顧環境。她指出，求助並不可怕，反而是突破困局的開始：「你可以搵輔導員、治療師，或者支援小組，佢哋能夠陪你一步步梳理情緒，喺細微處搵到出口。」