家姐想攞返家用

「請問家姐突然要取回三年以來給母親的家用，合理嗎？」·這帖子在面書一出，好多留言，大都是指責，然而輔導員陳耀坤力排眾議，提出透過理財方案緩解這場家庭糾紛。

媽媽92歲，三年前跌倒，開始請工人，二姐提出人每月夾$3000給媽媽做家用。可是二姐現在失業，開口想媽媽退回之前自己給的家用，大約十萬元。
「話明比家用呀嘛，用咗就冇㗎啦，俾咗出去就係，邊有得追返架。」
「唔合理！明白佢失業需要錢，但咁大個人諗下其他方法，唔係向媽媽埋手。」
「你媽媽會唔會追討返：細個養大佢所付出嗰一筆？」

原帖回應：「非常感謝各位意見。但家姐用感情去煽動阿媽俾返十萬蚊佢。如果媽媽唔俾，家姐就唔再返去睇佢。媽媽92歲，除咗有一個印尼工人和他一起住，佢都好想三姊妹經常返去睇佢。」
大家反應更大了：
「你家姐好奸亦好卑鄙，用情感勒索一個九十幾歲老人家！.....你唔跟去，分分鐘一次過攞晒，剩反十元比你呀媽......仲有，攞完之後，你呀媽都係冇咗個女，你家姐會神隱，一個呃咗你錢的騙徒仲會唔會向你面前出現？」
「不用理她，你叫媽媽不可取十萬給她，已看清真面目，日後更多錢要你們俾，有冇這個家人算了吧！養媽媽是做子女的責任，叫她攞綜援啦」

發出貼文的是細妹，透露更多家事，並把矛頭指向姐夫：姐夫比家姐年輕十歲，很早已經不做工。她不斷批評姐夫種種行為，繼續引來更多負面留言。
回應之時，細妹才解釋事情起因不止因為家姐失業，還因為媽媽在想要否把自住的物業做安老按揭，用自己層樓養返自己。「點知家姐話反正做安老按揭，就攞返佢俾媽媽過去三年嘅家用。」她指媽媽說錢最後都大家的，問大家的意向：大家姐只說不會追返家用，也不想參與二家姐的事，媽媽就要細妹決定，會否給二家姐十萬元。
——留言幾乎一面倒，指責二家姐，輔導員陳耀坤就按按安老按揭計算機：「這可以是一個機會，重新定位這家人的問題。」
下周再續