移民不移民

「有冇人好想移民？」
在「照顧者大大聲」FB群組，談起移民，大多數有兩類。

第一類是想移民，卻捨不得家人：「無人可以幫忙照顧，就算有親戚都無辦法可以倚賴。」
當然去留也各有支持者，支持移民的，大多有3項準備：

1. 衡量一齊去？
   「睇下父母肯唔肯跟你走？」
   「當然決定前要先衡量你自己有冇辦法同時承受新環境適應、幫父母醫療接軌，再照顧父母啦！」
2. 規劃好、找幫手
   「陪診員同埋陪伴服務而家都好普遍。」
   「而家搭飛機好方便，移民都可以成日返，又或者帶埋兩老去渡假、視像電話又方便。每日一電好難咩？仍然可以繼續匯錢畀家用，你計好條數秤過自己有幾多料，咪去做囉！」
3. 同父母傾意願
   「我自己都係一個媽媽，我就唔想啲仔女為咗我，邊度都冇得去。」
   「走唔走都好，都唔好收收埋埋去到最後決定先話比佢地聽，咁對老人家都好淒涼姐」

第二類是家人已移民，留港子女獨力承擔照顧責任：「濕濕碎碎乜都係我，又要做佢地唯一情緒出口位。」

照顧者提醒要找幫手，或要求其他家人攤分責任。
「情緒爆煲最好搵社工幫手，總會有方法解決，舒緩下都好過自己硬撐」
「若太大壓力照顧唔到，去院舍也是一個選擇。」
「叫移咗民嘅一喺夾錢請工人，一喺輪流返來照顧」

然而，留港子女亦不一定願意擔起照顧責任，有照顧者特地請假回港：
「最近佢哋兩個都有健康問題。細佬係醫院聯絡人但乜都唔理。我唯有請假返香港。入院，出院，請人照顧，搵院舍，俾錢全部係我做。」

不論移民不移民，跟父母傾意願、跟手足分工夾錢，也不是易事。