被照顧者點分遺產？

「想睇吓大家意見：平安紙受益人應該同付出掛勾？付出最多的照顧者，應該得到最多？」
在「照顧者大大聲」FB群組，這帖文一出，大家都爭相回應：
「平安紙係立平安紙的人行使佢自己最大的權益及權利，佢自己鍾意俾邊個就邊個！唔係你想佢點！」
「做照顧者，是不問回報，因為從來不是基於利益關係，當然，會有不甘心，既然不甘心，講真，就要做少點」
「別天真！你這樣想請早日退下來！」

不少留言都說：父母是偏心的，在身邊照顧，反而不及離開了的。
「照顧嘅往往係啲女，嗰啲唔照顧嘅仔同孫，最後都會分比佢地。」
「呢度成日都有post講，大B忽視眼前嘅照顧者，反而收到移民咗外哋嘅仔女嘅電話就笑咪咪！」
「那要看照顧者做得如何，如果被照顧者覺得滿意，分給照顧者也是應該。但我相信人是偏心的，牽掛的都是那些永不來探望的。」
「平安紙哪有多勞多得！誰是大B內心果忽肉，最牽掛的」

這時原帖再加一句：我係被照顧者
——原來是被照顧者，在想點分遺產。

這下子大家意見更多了：
有人覺得最好坦白說清楚：「如果照顧者在意，就講定數先囉。講唔掂數，就唔照顧。留返比被照顧者的受益人照顧。咁三方都開心」
有些人反問發帖人看重什麼：「視乎你當遺產是什麼，是照顧你的報酬、照顧你想照顧的人、定係最能造福社會⋯⋯人人價值觀都唔同」

更多人為照顧者講說話：
「如果你覺得照顧你嘅人係對你好、愛你，你唔分比佢，起碼要令佢知道你都愛佢，唔好否定人地嘅付出，係最基本同重要」
「如果佢要靠你嘅獎勵，先知嚟照顧你，你哋嘅關係已經打咗折扣，平安紙唔等於資產轉移，但係會係一粒糖果，令照顧者心入面有點甜。」
「如果你睇得出照顧你嘅人真心真意，你而家就定期比一嚿錢佢，作為照顧你嘅又好，多謝佢放棄自己生活嚟照顧你又好。因為呢樣嘢唔會有其他人知道。
走咗之後，平安紙分配人人都知，有啲衰人會埋怨佢親近阿媽係為咗貪錢！」